راولپنڈی: جوڈیشل کمپلیکس راولپنڈی میں ایک افسوسناک واقعہ پیش آیا ہے جہاں معروف قانون دان ثنا اللہ ستی ایڈووکیٹ کی لاش ان کی گاڑی سے برآمد ہونے کی اطلاعات سامنے آئی ہیں۔
ابتدائی اطلاعات کے مطابق ثنا اللہ ستی ایڈووکیٹ کی گاڑی جوڈیشل کمپلیکس کے احاطے میں پارک تھی، جہاں سے ان کی لاش برآمد ہوئی۔
واقعے کی اطلاع ملنے پر متعلقہ حکام موقع پر پہنچ گئے اور شواہد اکٹھے کرنے کا عمل شروع کر دیا گیا۔ واقعے کی وجوہات اور موت کی حتمی نوعیت کا تعین تفتیش اور قانونی کارروائی مکمل ہونے کے بعد ہی ہوسکے گا۔
پولیس کی جانب سے واقعے کی مزید تحقیقات جاری ہیں جبکہ لاش کو ضروری قانونی کارروائی کے لیے منتقل کیے جانے کی اطلاعات ہیں۔
مزید تفصیلات سامنے آنے پر خبر کو اپ ڈیٹ کیا جائے گا۔
2026-09-09 28
